- 668 -

1440. (?) Febr. 7. Towaczaw.

Erbern weisen libin frunde vnd nockwarn, mein dinst wisset zufor vnd als ir mir geschriben habit von der purger wegen zu Prostans, wy das ir fornomen hett, das sy dy ewern offhalden vnd hindern wolten etc. liben frunde, diselben lewte von Prostans sint bey mir gewest vnd haben mich vndirweist, wy das in vor jaren ir gut dorich ewers hern, dem got gnade vnd ewer diner genomen vnd vffgehaldin sulde sein wurden mit ewerm wart vnd wissen, vnd dorumbe duncket mich gut sein, das ir beidirseit lewte welet vnd bitten, sich sullichir sachen zwischen euch vndirwinden vnd eyn mittil zwischen euch zutreffen an grossir hindernusse vnd schaden, wenne sy des iren, das in also genomen ist, nicht meynen schadhafftig bleiben, dornach habet euch zurichten. Datum Towaczaw dominica post Dorothee virginis.
Jan von Czimberg etc hewptman zu Merhern.

Rückauftchrift: Prudentibus ac circumspectis viris proconsuli consulibusque ciuitatis Legnicen. vicinis dilectis.

Orig. Kgl. Bibl. z. Berl MS.. Boruss. f. 568 No. 188.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866